Plattdütskbeupdraggte

Stadt Emden benömt Plattdütskbeupdraggte

Nadeem Raad un Verwalten van de Stadt Emden de Anregen van de Oostfreeske Landskupp upgrepen un sük daarför utproot hebben, dat en Plattdütskbeupdraggte benömt word, wurr in November 2008 offiziell de Mitarbeiderske van ’t Vörstandsbüro Heike Dirksen van Oberbörgmester Alwin Brinkmann mit disse Upgaav betroot.

Upgaav van de Plattdütskbeupdraggte is dat, up Fragen van de Börgerskes un Börgers intogahn, dat Umsetten van de Europäisk Sprakencharta vörantodrieven un de plattdütske Spraak bi d’ Arbeid to fördern.

De Europäisk Charta för minner bruukt Spraken sücht vör, dat elke Minsk dat Recht hett, sien Anliggen tegenover Amten up Plattdütsk vörtodragen un ok van en Mitarbeiderske of Mitarbeider in disse Spraak bedeent worden sall. Daarmit sall daartegen warkt worden, dat alltied minner Minsken Plattdütsk proten of verstahn. Anners lopen wi Gefahr, dat uns kulturell Arvgood, de plattdütske Spraak, utstarvt. Froo Dirksen hett de plattdütske Spraak van hör Grootollen lehrt.

Se beleevt in hör Olldag in de Umgang mit Börgerskes un Börgers de Vördelen van de Tweesprakigheid. Hauptupgaav van Froo Dirksen is de Uppass för dat Ideen– un Beswaarmanagment bi d´ Stadt Emden. Bi dat dagelke Gespreck mit hör Kunnen kann se marken, dat de plattdütske Spraak Nood un Stukers ofboot. Se röppt all Börgerskes un Börgers daarto up, mehr Plattdütsk to proten, ok wenn se mit Amten to doon hebben.
De Mitarbeiderskes un Mitarbeiters van de Stadt Emden – so as se dat könen – antwoorden geern up Plattdütsk!

Froo Dirksen is vörmiddags unner de Telefonnummer (0 49 21) 87 - 11 10, Fax-Nr. (0 49 21) 87 - 10 11 90 of de E-Mail-Adress: hdirksen(at)emden.de to kriegen.

Hör Büro is in dat Geboo van de Verwalten an de Frickensteinplatz 2, Ruum 112. 

Kontakt

Plattdütskbeupdraggte Heike Dirksen
Frickensteinplatz 2
26721 Emden
Postfach 22 54
26702 Emden

Ruum: 112
Tel.: (0 49 21) 87 - 11 10
Fax: (0 49 21) 87 - 10 11 10
E-Mail: hdirksen(at)emden.de